İngiltərə İraqda İŞİD-ı hədəf alan ilk hücumunu reallaşdırıb.

Axar.az xəbər verir ki, İngiltərə Müdafiə Nazirliyindən verilən açıqlamada ölkənin hava qüvvələrinə aid qırıcıların İŞİD-ə məxsus iki hədəfi vurduğunu bildirilib. Bu, İngiltərənin İraqda İŞİD-i hədəf alan ilk hücumudur.

Nazirlik hücumların uğurla həyata keçirildiyini qeyd edib.

Xatırladaq ki, keçən həftə Böyük Britaniya parlamenti İraqda İŞİD-ə qarşı həyata keçirilən hava əməliyyatına qoşulmaqla bağlı təklifi 43 səs əleyhinə, 524 səs lehinə olmaqla qəbul etmişdi. Təklif qəbul ediləndən bu yana İngiltərə İraqda təkcə kəşfiyyat uçuşları həyata keçirib. Suriyadakı əməliyyatlara qatılmayan İngiltərə İraqdakı əməliyyat üçün cənubi Kiprdəki hərbi bazasını istifadə edir.