"Avropa Birliyinin Rusiyaya qarşı tətbiq etdiyi sansiyalarda Co Baydenin dediyi kimi ABŞ-ın rolu yoxdur".

Axar.az "İnterfaks" agentliyinə istinadən xəbər verir ki, bu açıqlama ilə Avropa Diplomatiya naziri vəzifəsinə namizəd Federika Moqerini çıxış edib.

O, ABŞ-ın vitse prezidentinin sözlərinin həqiqətə uyğun olmadığını söyləyib:

"Ən önəmlisi odur ki, bu sadəcə Amerika ilə gerçəkləşən bir dialoq deyil. Eyni zamanda Rusiya ilə bağlı qərarda həmfikir dövlətlərlə gerçəkləşən bir dialoqdur. Söhbət Kanada, Yaponiya və başqa bu kimi ölkələrdən gedir. AB-nin bu qərarı sıradan və bəsit bir addım deyil. Bu Avropa ölkələrinin baş tutan qarşılıqlı görüşləri sayəsində reallaşıb".

Xatırladaq ki, ABŞ vitse-prezidenti Bayden keçən həftə Harvard Universitetindəki çıxışı zamanı Avropa Birliyinin Rusiyaya tətbiq etdiyi sanksiyaların birbaşa ABŞ-la əlaqədar olduğunu bildirmişdi.