ABŞ hökuməti başda İŞİD-ə qarşı yaradılan koalisiyada yer alan ölkələr olmaqla bütün dövlətlərə xəbərdarlıq edib.

Axar.az xəbər verir ki, Ağ Ev İŞİD-in bütün ölkələrə hücum edə biləcəyi ilə bağlı açıqlama verib.

"İŞİD qüvvələrinə qarşı hava əməliyyatlarından bəri təşkilatın koalisiya ölkələrinə hücum etmək risqi artıb", - Dövlət Departamentinin açıqlamasında bildirilib.

"Dünya miqyasında xəbərdarlıq" adlı açıqlamada İŞİD-in dünyanın harasında olursa olsun öz tərəfdarlarını onlara dəstək verməyə çağırdığı qeyd olunub.

Açıqlamada qeyd olunub ki, Yaxın Şərq, Şimali Afrika, Avropa və Asiyada ABŞ və koalisiya ölkələrinə qarşı hücum ehtimalları böyük ölçüdə artıb.