"Krımın Rusiyaya qatılması
doğru deyil, amma buna Ukrayna dövlətinin özü imkan
yaradıb".
Axar.az Obozrevatel.com-a istinadən xəbər verir ki, bu
açıqlama ilə Belarusiya Prezidenti Aleksandr Lukaşenko çıxış edib.
O, Rusiyanın Ukraynaya daxil olmasının doğru olmadığını
bildirib:
"1994-cü ildə biz nüvə silahının ləğvi haqqında razılaşma
imzaladıq. ABŞ o zaman bizə Ukrayna da daxil olmaqla ərazi
bütövlüyümüz haqqında zəmanət verdi. Ona görə də bu zəmanətin
pozulması yolverilməzdir. Hansısa dövlətin digərinin ərazisini
işğalı doğru deyil. Niyə siz öz inqilablarınızı rus insanlarının
üstünə yollayıb onların həyatına təhlükə yaratdınız? Siz Krıma NATO
qüvvələrinimi yerləşdirmək istəyirdiniz? Səbəbləri özünüzdə
axtarın, Rusiyada yox. Siz Rusiyaya imkan verdiniz ki, Krımı özünə
birləşdirsin. Bu işdə günahkar sizsiniz, Rusiya yox".