Gürcüstanın iki düşməni var. Bunlardan biri Rusiya işğalı, digəri isə yoxsulluqdur.

Axar.az xəbər verir ki, bunu “Birinci kanal”da yayımlanan “Prezident seçkisi 2018” proqramında çıxışı zamanı Gürcüstanın Baş naziri Mamuka Baxtadze deyib.

“Bu reallıqdır və biz bu reallığın gözlərinə baxmalıyıq. Yoxsulluğun qarşısının alınması təəssüf ki, həddən artıq olan borclanmanın həllindən keçir. Yoxsulluğun qarşısının alınmasında inkişaf var, amma əhalimizin hələ də 20%-i yoxsul olaraq qalır. Bu problemə sistemlə yanaşmaq lazımdır və o bir günün içərisində həll edilə bilməz. Bu problem illər ərzində toplanaraq qalıb”, – deyə o bildirib.