Fransanın paytaxtı Parisdə bir çadralı qadın opera binasından çıxarılıb.

Axar.az xəbər verir ki, çadra taxmağın qadağan olduğu, ancaq turistlərə bu mövzuda sərbəstlik verildiyi Fransada bir turist qadın opera binasından çıxarılıb. Körfəz ölkələrinin birindən gəldiyi bildirilən turist qadın "La Traviata" adlı operanın getdiyi vaxtda təhlükəsizlik işçiləri tərəfindən çölə çıxarılıb.

Çadralı qadının salondan çıxarılmasına opera tamaşasında oynayan aktyorların şikayətinin səbəb olduğu bildirilib. Mövzu ilə bağlı xəbərləri təsdiqləyən Mədəniyyət Nazirliyi bundan sonra bu cür hadisələrlə əlaqədar teatr və opera salonlarına nizamnamə (bildiriş) göndəriləcəyini vurğulayıb.

Xatırladaq ki, Fransada 2010-cu ildən bəri çadra geyinmək qadağandır. Qanunu pozanlara 150 avro pul cəzası tətbiq olunur. Qanun turist qadınlara daha yumşaq şəkildə tətbiq edilir.