"İŞİD-in İraq təhlükəsizlik qüvvələrinə qarşı xlor qazı istifadə etdiyinə dair iddiaları çox ciddi qəbul edirik".

Axar.az xəbər verir ki, bu barədə ABŞ Dövlət katibi Con Kerri deyib.

Cənubi Koreya Xarici İşlər naziri Yun Byunqla görüşdə danışan Kerri bir jurnalistin İŞİD-in təhlükəsizlik qüvvələrinə qarşı xlor qazı istifadə etdiyinə dair xəbər yaymasına münasibət bildirib:

"Sizə ancaq bunu deyə bilərəm ki, bu iddiaları çox ciddi qəbul edirik. Bunları təsdiqləyib ya təkzib edəcəyimizi müəyyən etmək üçün əlavə məlumat toplamağa çalışacağıq".

Xatırladaq ki, 11 İraq əsgərinin xlor qazından zəhərləndiyi və Bağdaddan 80 kilometr aralıda yerləşən xəstəxanalardan birinə yerləşdirildiyi bildirilmişdi.