Fin jurnalistinin Rusiya Prezidenti Vladimir Putin haqda yazdığı kitab elmi-populyar ədəbiyyat sahəsində "Kanava" mükafatına layiq görülüb.

Axar.az RİA Novostiyə istinadla bildirir ki, bu barədə "Yle" teleradiokorporasiyasının saytında məlumat verilib.

Jurnalist Kalle Kniivilya "Putinin xalqı – rusiyalıların dinməz əksəriyyəti" adlanan kitabında Rusiya prezidentini dəstəkləyən sadə rus vətəndaşlarından danışır.

Münsiflər heyətinin sədri "Kanava" və "Suomen Kuvalehti" jurnallarının baş redaktoru Ville Parnaa Kniivilyanın kitabını elmi-populyar ədəbiyyat sahəsində ilin ən görkəmli kitabı adlandırıb.

Kniivilya kitab üzərində işləyərkən rusiyalıların fikirlərini öyrənmək üçün onlardan çoxlu sayda intervülər alıb. Aydın olub ki, Rusiya vətəndaşlarının əksəriyyəti ilk öncə sabitlikdən, iqtisadi artımdan və yüksək dövlət statusunun bərpa olunmasından çox razıdırlar.

Xatırladaq ki, müsabiqəyə 164 kitab təqdim olunmuşdu.