Ukrayna prezidentinin məsləhətçisi Nikolay Tomenko nazirlərin iş vaxtı sosial şəbəkələrdə fəlsəfi mövzularda müzakirə açmasına qarşı çıxış edib.

Axar.az RİA Novosyiyə istinadla bildirir ki, o, bu barədə "5-ci kanal"ın efirindən səslənib.

"Feysbuk, Tvitter — çox gözəl, yüksək bir şeydir, mən bunu dəstəkləyirəm, amma iş vaxtından sonra. Mən anlamıram ki, nazirlər günün günorta çağı necə asudə oturub həyat haqqında fəlsəfi düşüncələrini, oxuduqları kitablar haqqında hekayətləri sətirlərə düzürlər", - deyə Tomenko bildirib.

Onun fikrincə, nazirlər mətbuat konfransları və idarə rəisləri ilə müşavirələr keçirməyə daha çox vaxt ayırmalıdırlar.

Poroşenkonun məsləhətçisi konkret nazirlərin adlarını çəkməyib.

Qeyd edək ki, Ukrayna hökumətinin üzvləri arasında sosial şəbəkələrdə aktivliyi ilə ən çox seçilən DİN başçısı Arsen Abakovdur.