Rusiya Federasiyasının Kazan şəhərində Beynəlxalq Türk Mədəniyyəti Təşkilatının (TÜRKSOY) Mədəniyyət Nazirlərinin 32-ci dönəm toplantısı keçirilir.

Axar.az xəbər verir ki, Türkmənistanın Mərv şəhəri 2015-ci ildə "Türk dünyasının mədəniyyət paytaxtı" seçilib.

Bundan əlavə Düsen Kaseinovun 2017-ci ilədək yenidən təşkilatın baş katibi seçilməsi ilə də bağlı qərar qəbul edilib.

Qeyd edək ki, toplantıda ölkəmizi Azərbaycan respublikasının mədəniyyət və turizm nazirinin birinci müavini Vaqif Əliyevin rəhbərlik etdiyi nümayəndə heyəti təmsil edir. Tədbirdə çıxış edən Azərbaycan Respublikasının mədəniyyət və turizm nazirinin birinci müavini Vaqif Əliyev ötən illər ərzində Azərbaycan hökumətinin TÜRKSOY çərçivəsində keçirdiyi layihələrdən söz açaraq, növbəti ildə nəzərdə tutulan tədbirlərin yüksək səviyyədə təşkilinin əhəmiyyətini vurğulayıb.