Ana səhifə Planet |
Rusiya Prezidenti Vladimir Putin ölkəsinin geosiyasi oyunlara sövq edildiyini bildirib.
Axar.az xəbər verir ki, ordu rəhbərliyi ilə görüş keçirən Kreml rəhbəri belə oyunlara təhrik edilsə də, heç vaxt qarşıdurmalarda iştirak etməyəcəyini deyib:
"Bütün kənar müdaxilələrə baxmayaraq, Rusiya qarşıdurmalara getməyəcək. Biz heç kimi təhdid etmirik. Buna görə də geosiyasi oyuna və ya qarşıdurmaya girmək niyyətimiz yoxdur".
Rusiyanın ərazi bütövlüyü, suverenliyi və müttəfiqlərinin təhlükəsizliyini qorumaq məcburiyyətində olduğunu deyən Putin eyni zamanda hər bir dövlətin ərazi bütövlüyünə hörmətlə yanaşdığını dilə gətirib.
Qeyd edək ki, Rusiya Ukraynanın ərazi bütövlüyünə təhdid olan qondarma Donetsk və Luqansk, həmçinin Gürcüstanın ərazi bütövlüyünü şübhə altına alan separatçı Abxaziya və Cənubi Osetiyanı müdafiə edir və hətta bu qurumlardan bəziləri ilə rəsmi müqavilələr də imzalayır.
Tarix
2014.11.27 / 09:00
|
Müəllif
Şəmsəddin Ənsar
|