Misirdə hərbi çevriliş nəticəsində hakimiyyətə gələn general Əbdülfəttah Sisi İtaliya səfəri zamanı gülüş hədəfinə çevrilib.

Axar.az xəbər verir ki, səfər zamanı İtaliya Baş naziri Matteo Renzi ilə görüşən Sisi daha sonra mətbuat konfransında çıxış edib. Lakin onun çıxışı baş nazirin diqqətini cəlb etməyib. Baş nazirin telefonu ilə oynaması və tərcümə qulaqcıqlarından istifadə etməməsi jurnalistlərin gözündən yayınmayıb.

Xatırladaq ki, Sisinin bu ölkəyə səfəri İtaliya mətbuatı tərəfindən də isti qarşılanmayıb. Nüfuzlu "La Stampa" qəzeti Sisinin İtaliya səfərini işıqlandırarkən onun ünvanına "axmaq" ifadəsini işlədib.