Ana səhifə Planet |
Ukraynanın keçmiş prezidenti Viktor Yanukoviç yeni seçilən dövlət başçısının hakimiyyətə gəlməsindən sonra ölkəsinə geri dönmək istəyir.
Axar.az xəbər verir ki, bu barədə Yanukoviçin vəkili Vitali Serdyuk danışıb.
Vəkilin sözlərinə görə, keçmiş prezident barəsindəki bütün ittihamların aradan qaldırılmasına nail olmağa çalışacaq, həmçinin indiyədək oxunmuş hökmlərə etiraz edəcək.
“Viktor Yanukoviç Rusiya Federasiyasının ərazisində müvəqqəti və məcburi şəkildə yaşayır. Müdafiə onun hüquqlarının bərpası, ittihamların hər birinin hüquqi deyil, siyasi xarakter daşımasını sübut etmək üçün hər şeyi edir. Biz 2014-cü il hadisələrinin real günahkarlarının cəzalandırılmasını istəyirik”, - vəkil bildirib.
Qeyd edək ki, Yanukoviç bir qədər əvvəl Zelenskini qələbə münasibətilə təbrik etsə də, Zelenskinin seçki qərargahının təmsilçisi Dmitri Razumkov təbriki qəbul etmədiklərini açıqlamışdı.
Tarix
2019.04.24 / 10:17
|
Müəllif
Orxan Tağıyev
|