İsrail Hərbi Hava Qüvvələrinin Suriyadakı obyektlərə endirdiyi hava zərbələri nəticəsində ölən yoxdur.

Axar.az RİA Novosti-yə istinadla bildirir ki, Suriya Baş Qərargahı yalnız maddi ziyan dəydiyini açıqlayıb.

Suriya ordusu komandanlığından öz növbəsində bildiriblər ki, İsrailin hava zərbələri aeroportdakı bir sıra tikiliyə ciddi ziyan vurub. Hava zərbələrinin hədəflərindən biri də döyüş sursatları anbarı olub, zərbələr zamanı partlayışlar eşidilib.

Xatırladaq ki, bu gün günortadan sonra İsrail aviasiyası iki hava zərbəsi endirib: biri Dəməşq beynəlxalq mülki hava limanı yaxınlığına, digəri isə Dimas rayonuna.