İngiltərənin nüfuzlu "İndependent" qəzeti Türkiyə Prezidenti Rəcəb Tayyib Ərdoğanın 400 nəfəri həbs edəcəyini açıqlayıb.

Axar.az xəbər verir ki, qəzetdə "Ərdoğanın hədəf göstərdiyi 400 adamın həbs olunması gözlənilir" başlığıyla yer alan xəbərdə həbs ediləcək 400 nəfərdən 147-sinin Prezident Ərdoğana qarşı müxalif düşərgədə yer alan qəzet və jurnalistlərdən ibarət olacağı bildirilib.

Dərgidə yer alan xəbərə görə, Ərdoğan ötən ilin "17 dekabr hadisələri"ndən sonra qisas almağa hazırlaşır: "Həmin dövrdə hakim partiyada yaranmış rüşvət qalmaqalından müxalifət istifadə etməyə çalışdı. İndi də Ərdoğan qisas alaraq müxalif seqmentə qarşı əməliyyatlara hazırlaşır".

Daha sonra əməliyyatların keçiriləcəyi məkanlar da məqalədə yer alıb. Belə ki, qəzetin iddialarına görə, İstanbul, Ankara və Malatyada keçiriləcək əməliyyatlarda "Zaman" və "Todays Zaman" qəzetlərinin də adı var.