Qurban Qurbanovun taleyi gələn ilin ortalarına qədər həll olunacaq.

Bu barədə Axar.az-a Dərbənddəki etibarlı mənbədən məlumat verilib.

Mənbə Dərbəndin keçmiş merinin məhkəməsinin hələ də qəsdən uzadıldığını bildirib. O, bu işin 2015-ci ilin mart-aprel ayına qədər davam edəcəyini deyib. Buna əsas səbəb isə Qurbanovun vaxtından əvvəl son verilən səlahiyyətlərinin gələn ilin martında bitməsidir. Bundan sonra onun fəaliyyətini məhdudlaşdıracaq bütün vasitələrdən istifadə olunacaq. Bu vaxtın qorunması isə Dağıstan rəhbərliyinin məhkəmə qalmaqalından çəkinməsi ilə əlaqəlidir. "Qurbanov həbsdən azad olunmağı və ev dustaqlığına çıxmağı bacardı. Yerli dəstək də ona bu işdə kömək oldu. Qurbanov səlahiyyət dövrü bitmədən istefaya məcbur edilməsi faktından beynəlxalq məhkəmədə istifadə edə bilər deyə, ona qarşı təzyiqlər gələn ilin aprelinə qədər səngiyib", - deyə mənbə qeyd edir.

Qeyd edək ki, Qurban Qurbanov bir müddət öncə Dağıstan Prezidenti Ramazan Abdullatipovun təzyiqi ilə Dərbənd meri vəzifəsindən vaxtından əvvəl istefaya məcbur edilmişdi. Onun yerinə isə Yəhya Hacıyev gətirilmişdi.

Oktyabrda həbs edilən Q.Qurbanov bir müddət öncə yarım milyon rubl qarşılığında ev dustaqlığından azad edilib.