Ana səhifə Planet |
Rusiya Prezidenti Vladimir Putin 2014-cü ildə 230-dan çox casusun ifşa edildiyini deyib.
Axar.az xəbər verir ki, Rusiya Federal Təhlükəsizlik Xidmətinin yaradılmasının ildönümü mərasimində çıxış edən Putin xarici kəşfiyyat təşkilatlarının Rusiyada fəaliyyətlərini artırdığını qeyd edib: "Kəşfiyyatla mübarizə qurumlarımızdan intizam və səfərbər olmaları tələb edilir. Rusiya ilə əlaqədar xarici kəşfiyyat fəaliyyətini artır. Təkcə bu il xarici kəşfiyyatlara xidmət edən 230-dan çox casus ifşa etmişik".
Dövlət sərhədlərinin qorunmasının vacib olduğunu deyən Kreml rəhbəri potensial təhlükə və təhdidlərin analiz və təxmin edilməsi ilə bağlı Rusiya Xarici Kəşfiyyat Xidmətinin (SVR) üzərinə böyük vəzifələr düşdüyünü bildirib: "Sizin yüksək səviyyəli əməliyyatlarınız nəticəsində 8-i terror hücumu olmaqla 60-dan çox terror xüsusiyyətli cinayətin, 46 terror və radikal təşkilatın fəaliyyətinin qarşısı alınıb".
Tarix
2014.12.20 / 22:47
|
Müəllif
Şəmsəddin Ənsar
|