Rusiya Prezidenti Vladimir Putinin hərbi səfərbərliyə hazırlıqla bağlı tapşırığı Ukraynada müzakirə edilib.

Axar.az xəbər verir ki, Prezident Pyotr Poroşenkonun rəhbərliyi altında keçirilən Milli Təhlükəsizlik Şurasının iclası zamanı əhəmiyyətli qərarlar qəbul edilib.

Milli Təhlükəsizlik və Müdafiə komitəsinin katibi Aleksandr Turçinov növbəti ildə səfərbərliyin üç mərhələli dalğasının başlayacağı mesajını verib:

"Növbəti ildən biz təcili hərbi xidmətə çağırışı elan edirik. Növbəti ildə səfərbərliyin üç dalğası olacaq. Birinci dalğa 20 yanvarda başlayacaq, 90 gün davam etdirilməsi planlaşdırılır. Növbəti dalğa apreldə başlayacaq və 60 gün davam edəcək. Sonuncu dalğa isə iyunda start götürəcək, 60 gün davam edəcək".

Xatırladaq ki, Rusiya Prezidenti Vladimir Putin Təhlükəsizlik Şurası və Nazirlər Kabinetinə hərbi səfərbərlik və ərazilərin müdafiəsi üçün region rəhbərlərinin səlahiyyətlərinin artırılması barədə tapşırıq vermişdi.