Yuxarı

Züqanovdan etiraf: QKÇP-nin qarşısını ala bilərdik, amma...

Ana səhifə Planet
12 Punto 14 Punto 16 Punto 18 Punto

1991-ci ilin avqust qiyamından qaçmaq olardı. Xüsusilə, Kommunist Partiyası bunun üçün hər şeyi edirdi, amma onun sadəcə öz fəaliyyətlərini təşkil etmək üçün zamanı çatmadı.

Axar.az xəbər verir ki, bunu Rusiya Kommunist Partiyasının sədri Gennadi Züqanov deyib.

“Biz Rusiya Sovet Federativ Sosialist Respublikasının Kommunist Partiyasını yaratdıq. Mixail Qorbaçov və Aleksandr Yakovlek buna qarşı şiddətli müqavimət göstərirdilər. Əgər biz bunu bir il əvvəl edib, möhkəmlənsəydik, Qorbaçova ittifaqı dağıtmağa, Boris Yeltsinə çevriliş etməyə izn verməzdik. Təşkilatçılıq strukturunun gücləndirilməsi üçün sadəcə bir il çatmadı”, – deyə o bildirib.

Qeyd edək ki, 1991-ci ildə bir qrup SSRİ lideri, ölkənin son prezidenti Mixail Qorbaçovun hakimiyyətdən uzaqlaşdırıldığını bildirdilər. Onlar Fövqəladə Vəziyyətlə bağlı Dövlət Komitəsinin (QKÇP) yarandığını bəyan etdilər. Qorbaçov tezliklə Krımda tam nəzarət altına alındı. QKÇP Qorbaçovun səhhətindəki problemlərlə əlaqədar vəzifəsini icra edə bilmədiyini və bütün səlahiyyətlərinin vitse-prezident Gennadi Yanayevə verildiyi haqda məlumat yaydı.

Tezliklə bütün SSRİ-də fövqəladə vəziyyət tətbiq edildi, bütün siyasi partiyaların fəaliyyəti dayandırıldı, kütləvi aksiyalar qadağan edildi, Moskva da daxil olmaqla bütün şəhərlərə ordu yeridildi.

Komitəyə ən böyük zərbə Rusiya Sovet Federativ Sosialist Respublikasının Prezidenti Boris Yeltsin tərəfindən vuruldu. Belə ki, Dövlət Təhlükəsizlik Komitəsinin “Alfa” qrupu əvvəlcə Yeltsini nəzarət altına alsa da, sonradan onun Moskvaya gəlməsinə izn verildi. Bu isə QKÇP-nin çökməsində mühüm rol oynadı.

Avqust çevrilişi 3 gün davam etdi. Avqustun 21-də qiyam yatırıldı, şəhərlərdən ordu çıxarıldı. 22 avqustda isə Mixail Qorbaçov Moskvaya qayıtdı. QKÇP-nin bütün üzvləri həbs edildi. Onlar vətənə xəyanətdə ittiham edilsələr də, sonradan hər biri əfv edilərək azadlığa buraxıldı. QKÇP-dən cəmi dörd ay sonra SSRİ süqut etdi.

QKÇP-yə SSRİ vitse-prezidenti Gennadi Yanayev, Müdafiə nazirinin müavini Oleq Baklanov, DTK sədri Vladimir Kryuçkov, Baş nazir Valentin Pavlov, Daxili İşlər naziri Boris Puqo, Kəndli Birliyinin sədri Vasili Starodubçov, Dövlət Sənaye, Nəqliyyat, Tikinti Obyektləri Assosiyasiyalarının prezidenti Aleksandr Tizyakov və Müdafiə naziri Dmitri Yazov daxil idi.

Tarix
2019.08.19 / 12:37
Müəllif
İlkin Həsənov
Şərhlər
Digər xəbərlər

Akar ABŞ konqresmenləri ilə sülh prosesini müzakirə etdi

İrəvan İranın “qırmızı xəttini” zorlayır, həm də tək yox!

Arkov: Bakı buna çox sərt cavab verəcək

Erməni: Həyətim Azərbaycan ərazisinə düşür - Video

Vaşinqton bu ölkəyə qarşı yeni ittifaq yaradır

Araikin müsahibəsi ilə bağlı AzTV-dən yeni açıqlama

Bu video Musəvinin başına dərd açdı: İstefası tələb edildi

Araikin müsahibəsi buna görə yayımlanmadı - Sensasion iddia

Bəs, İranın “qırmızı xətti” idi? Tehran niyə səsini çıxarmır?

İran bu ölkələri Xəzərə buraxmaq istəmir

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla