2019.09.18. 23:22

Rusiyanın paytaxtı Moskvada əməliyyat zamanı bir polis nəfəri güllələnib, digəri isə ağır yaralanıb.

Axar.az xəbər verir ki, hadisə “Ryazan prospekti” metrostansiyasında baş verib.

Rüşvət almaqda şübhəli bilinən şəxs saxlanılan zaman hüquq-mühafizə orqanı əməkdaşlarına odlu silahdan atəş açıb.

Yaralı polis xəstəxanaya yerləşdirilib.

Faktla bağlı cinayət işi başlanıb, araşdırma aparılır.

***

Odlu silahdan atəş açaraq polisi öldürən şəxsin metropolitenin təhlükəsizlik xidmətinin əməkdaşı Aleksey Smirnov olduğu deyilib.

Belə ki, rüşvət almaqda şübhəli bilinən Smirnov həmkarının qanuni tələbinə məhəl qoymayaraq xidməti silahını təhvil verməkdən imtina edib.

Daha sonra o, atəş açaraq 2 polisə xəsarət yetirib. Yaralı polislərdən biri – Maksin Veyalko stansiyadan çıxmağa çalışsa da, çıxış qapısından bir neçə metr uzaqlıqda yerə yıxılaraq həyatını itirib.