İran Prezidenti Həsən Ruhani BMT Baş Assambleyası çərçivəsində danışıqlar təşkil etməyə cəhd edib.

Axar.az xəbər verir ki, bunu jurnalistlərə açıqlamasında ABŞ Prezidenti Donald Tramp deyib.

“Ruhani BMT-də görüşmək istəyirdi. Doğrudur, biz onunla danışdıq, amma mən şəxsən onunla danışmadım. O, sanksiyaların tam və qismən ləğvini istədi, mən yox dedim”, - deyə o bildirib.

Qeyd edək ki, bundan öncə ABŞ mətbuatı Fransa Prezidenti Emmanuel Makronun BMT-də ABŞ və İran liderləri arasında telefon danışığı təşkil etməyə cəhd etməsi haqqında məlumat yayıb. Məlumatda bildirilirdi ki, Tramp bir müddət otaqda qalaraq, bu zəngi gözləyib, Həsən Ruhani isə zəng etməkdən imtina edib.