"Bütün cəbhəyanı bölgələrdə qanunsuz hərbi birləşmələr intensiv hücuma keçiblər".

Axar.az xəbər verir ki, bu sözləri Ukrayna Müdafiə naziri Stepan Poltorak deyib.

Luqanskdan Mariupola qədər olan hər yerdə qanunsuz hərbi bölmələrin hücuma keçdiyini deyən Poltorak separatçılarla dəhşətli qarşıdurmaların yaşandığını vurğulayıb. Poltorak terrorçulara məxsus 6 hərbi sistemdən 4-nün məhv edildiyini bildirib.

Qeyd edək ki, son günlər Ukraynanın şərqində gərginlik artıb. Hər iki tərəfdən ciddi itkilərin olduğu bildirilib. Bu gün Mariupolda Kiyev hökuməti Təhlükəsizlik Şurasının təcili iclasını çağırıb.