Ana səhifə Planet |
Debaltsevo şəhərinin rus separatçıların nəzarətinə keçməsini Kiyev də etiraf etmək məcburiyyətində qalıb.
Axar.az xəbər verir ki, bu açıqlama ilə politoloq Elxan Şahinoğlu çıxış edib. O, Ukraynanın şərqindəki Rusiyayönümlü separatçıların strateji özəlliyi olan Mariupol şəhərini ələ keçirməyə çalışacaqlarını bildirib:
"Debaltsevo şəhəri rus separatçıların nəzarətinə keçdi. Bunu Kiyev də etiraf etmək məcburiyyətində qaldı. İştah diş altdadır. Moskva Debaltsevodan sonra əsas strateji hədəfi - Mariupol şəhərini ələ keçirməyə çalışacaq. Əlbəttə, ortada Minsk-2 razılaşması var. Ancaq bu "razılaşma" necə ki, Debaltsevonu işğaldan qurtarmadı, eləcə də Mariupol uğrundakı gələcək döyüşləri də sığortalamaq iqtidarında deyil. Ukrayna ordusunun güclənməsinə, könüllü batalyonların mərkəzi komandanlığa tabe olmasına, bir sözlə, nizam-intizama ehtiyac var. Kreml ancaq güclə hesablaşır və qarşısındakını zəif hesab edirsə, onun üzərinə daha çox gedəcək".
Qeyd edək ki, ötən gün Ukraynanın şərqindəki Rusiyayönümlü separatçılar Debaltsevo bölgəsini ələ keçirdiklərini açıqlayıblar.
Tarix
2015.02.19 / 08:15
|
Müəllif
İlham Sahiloğlu
|