Rusiya Prezidenti Vladimir Putin Almaniya kansleri Angela Merkel və Fransa Prezidenti Fransua Ollandonla münasibətlərindən danışıb.

Axar.az xəbər verir ki, Putin partnyorları arasında etibarsızlıq yarandığını bildirib. "Hər ailədə mütləq etibar olmur, bu beynəlxalq səviyyədə daha da mürəkkəb durumdur. Biz bir-birimizi anlayırıq və bütovlükdə bir-birimizə etibar edirik, hərçənd etibarsızlığın hansısa bir elementi qalır. Hər halda bizim səmimiyyətimizə inanırlar", - deyə Putin vurğulayıb.

Putin Ukrayna Prezidenti Pyotr Poroşenko ilə də münasibətlərindən danışıb:

"Poroşenko ilə də əlaqələrimiz var, ancaq bəzi bəyanatları məni təəccübləndirir. Məsələn, Kiyev Maydanında baş verən olayların səbəbkarı kimi Kreml administrasiyası əməkdaşlarını günahlandırır".