2020.03.29. 15:43

Koronavirus pandemiyasının dünya üzrə son statistikası açıqlanıb.

Axar.az xəbər verir ki, ən son məlumata görə, dünyada koronavirusa 719.167 nəfər yoluxub. Onlardan 33.900 nəfəri dünyasını dəyişib, 150.918 nəfər sağalıb.

ABŞ-da yoluxma sayı kəskin artıb. Hazırda bu ölkədə 140.256 nəfər koronavirusa yoluxub. Son sutkada yoluxma 16.678, ölən isə 237 nəfərdir. Ümumilikdə ABŞ-da koronavirusdan ölənlərin sayı 2.457-yə çatıb.

İtaliya 97.689 yoluxma ilə ikincidir. Son sutkada bu ölkədə 5.217 yoluxma qeydə alınıb, 756 nəfər ölüb. Ümumilikdə ölənlərin sayı 10.779 nəfərdir.

Çində 81.439, İspaniyada 80.031, Almaniyada 62.095, Fransada 40.174, İranda 38.309 yoluxma olduğu açıqlanıb.

Koronadan bu gün ən çox ölüm İspaniyada qeydə alınıb - 820 (ümumi 6.802).

Daha bir kütləvi ölüm Fransadadır. Bu ölkədə son sutkada 292 (ümumilikdə 2.606) ölüm baş verib.

Almaniyada 4.400 yeni yoluxma, 92 (ümumilikdə 525) ölüm olduğu bildirilib.

Çində bu gün bu virusdan cəmi 5 nəfər ölüb, 45 yeni yoluxma baş verib.

İranda isə 123 nəfər (ümumi 2.640) ölüb.