Rusiya Prezidenti Vladimir Putin və ABŞ Prezidenti Donald Tramp Elba çayı üzərindəki körpüdə tarixi görüşün 75 illiyi münasibətilə ortaq bəyanat yayıb.

Axar.az xəbər verir ki, bu barədə məlumatı Kremlin mətbuat xidməti yayıb.

Bəyanatda "25 aprel, Elba çayı üzərindəki körpüdə əl sıxan sovet və amerika əsgərləri. Bu hadisə nasist rejimin həlledici məğlubiyyətinin xəbərçisidir", - deyə bildirilib.

Həmçinin bəyanatda o da qeyd edilib ki, "Elba ruhu" Moskva və Vaşinqtonun ziddiyyəti bir kənara qoyaraq, inam qura bilməsinin və ortaq məqsəd üçün əməkdaşlıq nümunəsidir:

"Bu gün 21-ci əsrin ən ciddi çətinliklərinə qarşı mübarizə apararaq, faşizmi məğlub etmək üçün birlikdə mübarizə aparanların qəhrəmanlığına və cəsarətinə hörmətlə yanaşırıq. Onların qəhrəmanlıqla apardığı mübarizəsi heç vaxt unudulmayacaq".