"Ukrayna prezidentinin Dnepropetrovskdakı bütün hesabları dondurulub".

Axar.az xəbər verir ki, bu barədə informasiyanı "tvzvezda.ru" saytı yayıb.

Saytın məlumatına görə bu addımı regionun qubernatoru, milyarder İqor Kolomoyski atıb. O bununla prezidentin ona qarşı etdiyi tənqidə cavab verib.

Qeyd edək ki, martın 19-da ukraynalı yəhudi milyarder "Ukrtransneft"in binasını tutmaqla bərabər Azadlıq radiosunun jurnalistini təhqir etmişdi. Bundan sonra isə Ukrayna prezidenti tərəfindən Kolomoyski kəskin tənqid olunmuşdu.

Onu da xatırladaq ki, İqor Kolomoyski Ukraynada bir çox şirkətin sahibidir. Onun fəaliyyətinin geniş yayıldığı sahələr içərisində mediada yer alır.