Hizbullahın lideri Həsən Nəsrullah Səudiyyə Ərəbistanının başçılıq etdiyi koalisiyanın Yəmən siyasətinə münasibət bildirib.

Axar.az xəbər verir ki, təşkilat lideri hücumları Səud ailəsinin Yəməndəki nüfuzunu itirməsi ilə əlaqələndirib:

"Nə baş verdi ki, ərəblər bu qədər gözü bir oldular? Prezidentliyin Hadiyə təhvil verilməsi bəhanəsi ilə Yəmənə müharibə etmək səbəbdir? İsrail heç vaxt ərəb liderlərin və onların müttəfiqlərinin etdiyini etmədi".

Televiziya vasitəsilə çıxış edən Hizbullah lideri Yəmənə hücum edən müsəlmanların günahkar olduğunu və Qiyamət günü hesab verəcəklərini deyib:

"Hücumun ən bariz bəhanəsi "İranın Yəməndə nüfuzunu artırdığı" iddiasıdır. Bu, yalanların ən böyüyüdür. Bölgənin qapılarını İrana açan Səudiyyə liderləridir. Lakin hücumların dayandırılması üçün Səud ailəsinin hələ bir şansı var".