Ərəb Dövlətləri Liqasının sammitində Rusiya Prezidenti Vladimir Putinin anti-husit koalisiyası ölkələrinə göndərdiyi müraciətin mətni oxunub.

Axar.az xəbər verir ki, müraciət Səudiyyə Ərəbistanı nümayəndə heyəti tərəfindən narazılıqla qarşılanıb.

Müraciətində Putin ərəb ölkələrini Yəmən və digər münaqişələri sülh yolu ilə və xarici müdaxilə olmadan həll etməyə çağırıb.

Müraciətin oxunmasından sonra Səudiyyə Ərəbistanının Xarici İşlər naziri Səud əl-Faysal danışıb:

"Onlar (Rusiya) Suriyadakı faciədən danışırlar, Suriya rejimini öz xalqı ilə döyüşmək üçün silahlandırırlar. Putin Yaxın Şərqin problemlərindən elə danışır ki, guya Rusiyanın ora heç bir təsiri yoxdur".