"Rusiya və İran arasındakı tandem Mərkəzi Asiya ilə Yaxın Şərqdə stabilliyin yaranmasına kömək edə bilər".

Axar.az xəbər verir ki, bu açıqlama ilə Rusiya Dumasının Beynəlxalq Əlaqələr Komitəsinin sədri Aleksey Puşkov çıxış edib.

Onun sözlərinə görə, regional məsələlərdə hər iki tərəfin oxşar mövqeləri var:

"İraqın işğalından sonra regionda qeyri-stabillik hökm sürür. Liviyadan Pakistana qədər olan ərazidə biz davamlı müharibələrin şahidi oluruq. Bura davamlı müharibələr qövsüdür və bundan mütləq çıxış yolu tapmaq lazımdır. Biz çoxdan demişik ki, rəngli inqilabların dəstəklənməsi, bu regiona müdaxilə, eləcə də dövlət çevrilişləri bölgədə xaosa gətirib çıxaracaq. Hazırda həmin xaosun şahidi oluruq".