Kiyev Donbasla bağlı danışıqlar platformasını Minskdən köçürməyə ehtiyac görmür, ancaq Belarusdakı vəziyyəti izləyir və lazım gələrsə, belə bir qərar verə bilər.

Axar.az xəbər verir ki, bu barədə Ukrayna Xarici İşlər naziri Dmitri Kuleba deyib.

“İndi bu prosesdə Minskin yalnız adı var, çünki pandemiya səbəbindən bütün görüşlər onlayn rejimdə keçirilir. Heç kim ora getmir, Minsklə heç bir fiziki təmas yoxdur. Bu baxımdan daha çox simvolikdir. Hazırda belə qərarın verilməsi gərək deyil. Lakin sözsüz ki, biz Belarusda hadisələrin inkişafı prosesini izləyəcəyik. Lazım olan anda uyğun qərarlar verməyə hazırıq”, - deyə Kuleba bildirib.

Qeyd edək ki, Kiyevin Donbas üzrə təmas qrupunun rəhbəri və keçmiş prezident Leonid Kravçuk danışıqlar platformasının Minskdən İsveçrə, İsveç, yaxud Finlandiyaya keçiriləcəyini istisna etməmişdi.