Axar.az
Yuxarı

Zaxarova bu səhvə qurban gedir: Lavrovun yerinə o gəlir...

Ana səhifə Planet
12 Punto 14 Punto 16 Punto 18 Punto

Son vaxtlar müxtəlif mənbələr Rusiyanın mərkəzi hakimiyyətində ciddi dəyişikliklər olacağı ilə bağlı xəbərlər yayır. Bu iddialar sırasında isə əsas diqqətçəkən Rusiya Xarici İşlər naziri Sergey Lavrovun işindən ayrılacağı ilə bağlıdır.

Axar.az Musavat.com-a istinadla xəbər verir ki, bu barədə Rusiya mediası yazıb.

Rusiyanın nüfuzlu “Sobesednik” nəşrinin iddiasına görə, Lavrovla bərabər XİN sözçüsü Mariya Zaxarova da əsas diplomatik idarədən istefaya göndəriləcək. Amma həm Lavrov, həm Zaxarova işdən ayrılsalar da, böyük siyasəti tərk etmirlər.

“Sobesednik” məşhur “Nezıqar” Teleqram-kanalına istinad edirək yazır ki, Rusiya Prezidenti Vladimir Putin gələn həftə, konkret olaraq sentyabrın 23-də Kremlin Böyük akt salonunda Federasiya Şurasının üzvləri ilə görüş keçirməyi planlaşdırır. Mənbə bildirir ki, bu görüş təsadüfi deyil, çünki Kreml bu ilin sonuna qədər Rusiya parlamentinin yuxarı palatasının - Federasiya Şurasının tərkibini əsaslı şəkildə dəyişdirmək niyyətindədir.

Sergey Lavrova isə Federsiya Şurasında ömürlük senator vəzifəsi təklif edilir. Lavrovun Xarici İşlər Nazirliyindəki varisləri sırasında isə Xarici Kəşfiyyat Xidmətinin rəhbəri Sergey Narışkinın adı ilk sırada çəkilir. Ancaq ekspertlər deyir ki, Avropa Birliyi və ABŞ Narışkinin adını “qara siyahı”ya saldığı üçün bu təyinat indilikdə problemli görünür. Məlumat üçün deyək ki, Sergey Narışkin altıncı çağırış Dövlət Dumasına spikerlik edib. O vaxta kimi isə Prezident Administrasiyasının rəhbəri (2008-2011) və Baş nazirin müavini (2004-2008) vəzifələrində çalışıb. Narışkin 2016-cı ilin oktyabrdan Xarici Kəşfiyyat Xidmətinə rəhbərlik edir.

Daha bir populyar teleqram-kanal da Lavrovun vəzifəsindən gedəcəyi barədə xəbərləri təsdiq edir, XİN sözçüsü Mariya Zaxarovaya isə Dövlət Dumasında iş veriləcəyini yazır. Maraqlıdır ki, Lavrov və Zaxarovanın Xarici İşlər Nazirliyindən istefaya göndərilməsi yüksək vəzifələrini itirməsi kimi deyil, ölkə parlamenti çərçivəsində işlərin yenidən qurulmasında yeni görəv verilməsi kimi qiymətləndirilir. Ekspertlər deyir ki, Kreml hər iki parlament palatasının və Dövlət Şurasının əlaqələndirməsinin gücləndirilməsini istəyir. Üstəlik, Dövlət Duması və Federasiya Şurasının Nazirlər Kabineti üzərində nəzarəti gücləndiriləcək, hökumət üzvlərinin təsdiqində aparıcı rol alacaq. Yaradılan Dövlət Şurası isə bütün dövlət idarəetmə sisteminin moderatoru funksiyasını öz üzərinə götürəcək, eyni zamanda bütün hakimiyyət qolları üzərində nəzarət edəcək.

Sergey Lavrov 1950-ci il martın 21-də anadan olub. Bir çox informasiya saytları onun Moskvada anadan olduğunu iddia etsə də, əslində o, Tiflisdə anadan olub. Bununla bağlı gürcü mətbuatının apardığı obyektiv araşdırmalar da həmin faktı ortaya qoyub. Belə ki, Sergey Lavrov Tiflisdə ermənilərin sıx məskunlaşdığı Avlabari rayonunda doğulub. Onun uşaqlığı isə rayonun Ararat küçəsində keçib. Atasının Tiflis ermənisi olduğu və əsl soyadının Kələntərov (Kələntəryan) olduğu da məlumdur.

1972-ci ildə institutu bitirən Lavrov 1972-1976-cı illərdə SSRİ-nin Şri-Lankadakı səfirliyində çalışıb. 80-ci illərdə isə SSRİ-nin Nyu Yorkda yerləşən daimi nümayəndəliyində işləyib. Sovet İttifaqının süqutundan sonra Lavrov Rusiya Xarici İşlər Nazirliyində müxtəlif postlarda çalışıb. 1994-cü ildə Boris Yeltsin tərəfindən Rusiyanın BMT-dəki və Təhlükəsizlik Şurasındakı daimi nümayəndəsi təyin olunub. Bu postda 10 il çalışıb. 2004-cü il fevralından Rusiyanın Xarici İşlər naziridir.

Mariya Zaxarovaya gəlincə, Serbiya prezidenti ilə bağlı qalmaqallı statusundan sonra onun XİN-dən uzaqlaşdırılacağı gözlənilirdi. Bildirilirdi ki, uzun illərdir Çinə səfir getməyi arzu edən Zaxarovanın məlum qalmaqaldan sonra bu arzusunun üstündən xətt çəkilib.

Tarix
2020.09.20 / 12:11
Müəllif
Axar.az
Şərhlər
Digər xəbərlər

ABŞ-da korona ilə bağlı son vəziyyət

Türkiyədə partlayış anı - Video

Moskvada 6,5 min insan koronadan öldü

Türkiyə elan etdi: Bu ərazidə PKK-çı qalmayıb

Fransa qırıcıları yaxınlaşdı, Su-27-lər havalandı

İnanılmaz: Ayın səthində su tapıldı

ABŞ iranlı nazirə sanksiya tətbiq etdi

Türkiyədə korona ilə bağlı son vəziyyət

Fransa mediası ermənlərin bu vəhşiliyindən yazır

Gürcüstan Zuqdidi olayını terakt adlandırdı

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla