Nazarbayev prezident seçildikdən sonra Qazaxıstanı parçalamaq istəyən qüvvələrə qarşı aktiv fəaliyyətə başlayıb.

Axar.az Qazaxıstan mətbuatına istinadən xəbər verir ki, artıq sosial şəbəkələrdə Şimali Qazaxıstanın Rusiyaya birləşdirilməsini təbliğ edən qrupların sıradan çıxarılmasına start verilib.

Dünən "Vkontakte" sosial şəbəkəsində yaradılan "Şimali Qazaxıstan – rus torpağıdır" qrupu ləğv edilib. "Kursiv.kz" saytı isə qrup rəhbərlərinin müraciətini yayımlayıb:

"Şimali Qazaxıstan iqtisadi-coğrafi regionu müəyyən müddətlik Qazaxıstan Respublikasının tərkibində yerləşir. Hazırda onun tərkibinə Şimali Qazaxıstan, Kostanayka, Pavlodarskaya, Akmolinskaya vilayətləri və ölkənin paytaxtı Astana daxildir. Bundan başqa Şərqi Qazaxıstan, Qərbi Qazaxıstan vilayətləri, Aktyubinsk vilayətinin şimal hissəsi və Karaqanda vilayətinin şimal hissəsi də bu torpaqlara aiddir. Bütün torpaqlar Rusiyaya qaytarılmalıdır. Birincisi, bu torpaqlar kazaklarındır və onlar qazaxlara sovet hakimiyyətinin rusofob siyasəti nəticəsində verilib. İkincisi, bu torpaqlarda indiyə qədər rusların sayı çoxluq təşkil edib. Üçüncüsü isə, Qazaxıstanın onun üzərində heç bir haqqı yoxdur".