ABŞ rəhbərliyi İŞİD-in 4 lideri haqda məlumat gətirənə 20 milyon dollar mükafat vəd edib.

Axar.az xəbər verir ki, ABŞ Dövlət Departamentindən verilən açıqlamaya görə, "Ədalət üçün mükafat" (Rewards for Justice) proqramı adı ilə İŞİD liderlərindən Əbdülrəhman Mustafa Kaduli üçün 7 milyon dollar, Əbu Məhəmməd Adnani və Tarkan Taymurazoviç Batiraşvili üçün 5 milyon dollar, Tarık Bin əl Tahar Bin əl Falih əl Avni əl Harzi üçün isə 3 milyon dollar mükafat veriləcəyi bildirilib.

Açıqlamada Kadulinin ilk növbədə İraq Əl Qaidəsinə qatılmış yüksək səlahiyyətlərə malik İŞİD üzvü, Adnani İŞİD-in mətbuat sözçüsü, Batiraşvili Suriyanın şimalında İŞİD komandanı, Harzinin isə təşkilatın Türkiyə-Suriya sərhəd bölgəsində lider olduğu qeyd edilib.