Ana səhifə Planet |
Biz Gürcüstanı dərhal NATO-ya üzv olmağa dəvət etməliyik.
Axar.az xəbər verir ki, bunu ABŞ-ın Avropadakı qoşunlarının keçmiş rəhbəri Ben Hoces deyib. O, Cənubi Qafqaz regionunun strateji baxımdan önəmli olduğunu bildirib:
“Birincisi, biz gərək indi Gürcüstanı NATO-ya dəvət edək. Bizim bunun üçün presedentimiz var. Qərbi Almaniya NATO-ya Şərqi Almaniyada sovet qoşunları dayananda qəbul edildi. Digər tərəfdən NATO-Gürcüstan, NATO-Ukrayna, NATO-Bolqarıstan, NATO-Rumıniya və NATO-Macarıstan təlimlərini əlaqələndirəcək təlimlər başlatmalıyıq. Bu təlimlər Rusiyanın “Qafqaz 2020” təlimi miqyasında olmalı və regionun qayğısına qaldığımızı nümayiş etdirməlidir. Üçüncü vacib məsələ isə Gürcüstanın hərbi infrastrukturuna investisiya qoymaqdır. Siz bilirsiniz ki, Rumıniyada bizim Mixail Koqelniçanu bazamız var, eyni şeyi Gürcüstanda da görmək istərdim”.
Tarix
2020.12.02 / 12:10
|
Müəllif
İlkin Həsənov
|