19:28

Fransanın paytaxtı Parisdə genişmiqyaslı aksiya keçirilib.

Axar.az xəbər verir ki, “Qlobal təhlükəsizlik haqqında" Qanun layihəsinin 24 maddəsinə qarşı keçirilən aksiyada polis əməkdaşları ilə etirazçılar arasında qarşıdurma yaranıb.

Yerli vaxtla saat 15:00-də (Bakı vaxtı ilə saat 18:00-də) gərginləşməyə başlayan aksiya zamanı polis gözyaşardıcı qaz tətbiq edib.

Qeyd edilir ki, bu dəfə aksiyalara daha çox polis və jandarm qüvvələri səfərbər edilib.

***

Parisdə polislə etirazçılar arasındakı toqquşmalar yenidən başlayıb.

Polis etirazçıları dağıtmaq üçün gözyaşardıcı qazlardan istifadə edir.

Etirazçılar da polisə daş və şüşə tullayır.

Aksiyalar zamanı 22 nəfərin saxlanıldığı bildirilir.

***

Fransanın qərbindəki Nant şəhərində baş verən etiraz aksiyalıarı nəticəsində iki polis xüsusi təyinatlısı yaralanıb.

Bildirilib ki, aksiya əvvəclə dinc keçirilsə də, sonradan gərginlik artıb. Naməlum şəxslər tərəfindən polislərə “Molotov kokteyli” atılıb. Buna cavab olaraq polis gözyaşardıcı qazlardan istifadə edib. Aksiya nəticəsində 5 etirazçı saxlanılıb.

Fransa Daxili İşlər Nazirliyi isə Parisdə baş verən etirazlar nəticəsində saxlanılanlarının sayının 64-ə çatdığını bildirib. Məlumata görə, 8 polis əməkdaşı da yaralanıb.