Polşada prezident seçkilərinin 2-ci turu keçirilib.

Axar.az xəbər verir ki, ilk turda 34,8 faiz səs yığan Hüquq və Ədalət Partiyasının lideri, Avropa Birliyinə qarşı sərt fikirləri ilə tanınan Andrey Duda 53 faiz səslə hazırki Prezident Bronislav Komorovskini geridə qoyub.

Səsvermənin ilkin nəticələri elan olunduqdan sonra jurnalistlərin suallarını cavablandıran Duda Polşa xalqına təşəkkür edib:

"Mənə səs verənlər dəyişməyə səs vermiş oldu".

47 faiz səs yığan hazırki Prezident Komorovski nəticələr açıqlandıqdan sonra TVN telekanalına müsahibə verərək uduzduğunu etiraf edib və Dudanı təbrik edib.

Ölkənin yeni prezidenti avqustdan etibarən vəzifəsinin icrasına başlayacaq.