Ana səhifə Planet |
Bu 44 gündə müharibə yox, qırğın getdi. Bütün kütləvi informasiya vasitələri susduruldu, gənclər isə alovun ağzına atıldı.
Axar.az xəbər verir ki, bunu Ermənistanın Vətənin Xilası Hərəkatının lideri Vazgen Manukyan Sevanda keçirilən mitinqdə deyib.
“Bu, seçki yolu ilə dəyişdirilə biləcək pis hakimiyyət deyil. Sizin ürəyiniz onlara qarşı nifrətlə dolu olmalıdır. Yeganə yol onları qovmaqdır. Onlar bizim vətəni məhv etdi. Mən seçkiləri tanımıram. Bu hakimiyyəti nə qədər çətinliklə qovsaq, bir o qədər də özümüzə hörmət etmiş olacağıq. İndi deyirlər ki, yollar açılacaq. Yəni siz kommunikasiyaların açılmasından ötrü müharibəni uduzmusuz? Pis yaşayırsınız? Demək, bundan da pis yaşayacaqsınız. Bu yol buna doğru gedir”, - Manukyan bildirib.
O bildirib ki, qarşıdakı növbədənkənar parlament seçkiləri Ermənistana ziyandan başqa heç nə gətirməyəcək.
Qeyd edək ki, 20 iyun növbədənkənar parlament seçkilərində Manukyan iştirak etməyəcəyini açıqlayıb.
Tarix
2021.04.06 / 18:36
|
Müəllif
Anar Əhmədov
|