ABŞ çalışır ki, NATO-ya bağlılığını təsdiq etsin. ABŞ həmçinin Ukraynaya göstərmək istəyir ki, Vaşinqton onu düşünür.

Axar.az xəbər verir ki, bunu rusiyalı politoloq Stanislav Bışok deyib.

“Bayden administrasiyasının birinci vəzifəsi özünün avropalı tərəfdaşları ilə münasibətlərində ABŞ-ın alyansa bağlı olduğunu təsdiq etməkdir. Digər tərəfdən ABŞ alyansın üzvü olmaq istəyən Ukrayna kimi ölkələrə göstərmək istəyəcək ki, Vaşinqton əvvəlki kimi onları düşünür və ona silah tədarük etməyə hazırdır”, – deyə o bildirib.

Qeyd edək ki, ABŞ Dövlət katibi Entoni Blinkenin yenidən Brüsselə qayıdacağı və NATO-da görüşlər keçirəcəyi haqqında məlumat yayılıb.