"AKP və CHP bizim maraqlarımızı bir araya alacaq koalisiya qura bilsələr, onları dəstəkləyəcəyik".

Axar.az xəbər verir ki, bu açıqlama ilə Xalqların Demokratik Partiyasının həmsədri Səlahəddin Dəmirdaş çıxış edib.

Onun sözlərinə görə, HDP indiyə qədər rəsmi və ya qeyri-rəsmi heç kimlə görüşməyib:

"Cənab Davudoğlu seçkidən öncəki dil və üslubunu tərgitməlidir. Bu dil AKP-ni uduzdurdu. Biz Kürdüstan Topluluqlar Birliyindən təlimat almırıq. PKK ilə həll prosesi əvvəlki kimi getməyəcək. Yenidən atəşkəsə ehtiyac var".

Qeyd edək ki, Kürdüstan Topluluqlar Birliyi PKK-nın bir qanadı hesab edilir.