10:45

İrəvandakı danışıqlar səmimi və qarşılıqlı etibar atmosferində baş tutub.

Axar.az xəbər verir ki, bunu Ermənistan xarici işlər naziri Ara Ayvazyan Rusiya xarici işlər naziri Sergey Lavrovla bu gün İrəvanda keçirdiyi görüşdən sonra jurnalistlərə açıqlamasında deyib.

O, görüş zamanı ikitərəfli münasibətlər və çoxtərəfli əməkdaşlıq məsələlərinin müzakirə edildiyini bildirib. Ayvazyan Rusiyadan hərbi-texniki əməkdaşlıq, eləcə də ticarət dövriyyəsinin artırılmasıyla bağlı konkret addımların atılmasını gözlədiklərini söyləyib.

Nazir, həmçinin görüşdə Qarabağla bağlı danışıqlar prosesinin aktivləşdirilməsi məsələsinə də toxunduqlarını deyib:

“Rusiya sülhməramlılarının Qarabağdakı roluna da toxunulub. Biz Rusiyanın səylərini yüksək dəyərləndiririk. Əsirlərin vətənlərinə qayıtması məsələsi də həddən artıq vacibdir”.

Ayvazyan İrəvanın ATƏT-in Minsk Qrupunun həmsədrlərinin vasitəçilik missiyasının gücləndirilməsində maraqlı olduğunu qeyd edib. O, Qarabağa ermənilərin qaytarılmasında göstərilən səylərə görə Rusiyaya minnətdarlığını da bildirib.