ABŞ Prezidenti Co Bayden rusiyalı həmkarı Vladimir Putinlə görüşü zamanı dünyanın artıq Rusiyaya dözməyəcəyini deyəcək.

Axar.az xəbər verir ki, bu sözləri Ukraynanın sabiq prezidenti, Donbasla bağlı üçtərəfli təmas qrupundakı Ukrayna nümayəndə heyətinin rəhbəri Leonid Kravçuk deyib.

Onun sözlərinə görə, ABŞ prezidenti Rusiyanı beynəlxalq normalara riayət etməyə çağıracaq və Kremlin addımlarına göz yumulmayacağını bəyan edəcək.

Kravçuk əlavə edib ki, Rusiyada ABŞ-a qarşı istifadə etmək üçün bir neçə arqument var, lakin Bayden bunlara reaksiya verməyəcək:

“Beynəlxalq normaların pozulması halında Vaşinqton sərt sanksiyaların olacağını söz verəcək. Putin hələ də Şimal Axını-2 kimi məsələlərdə ABŞ-a təzyiq etmək üçün Ukrayna sərhədində öz ordusunu saxlayacaq”.