Türkiyə xarici işlər naziri Mövlud Çavuşoğlunun başçılıq etdiyi nümayəndə heyəti Liviyaya səfər edib.

Axar.az xəbər verir ki, bu barədə Türkiyə Xarici İşlər Nazirliyi məlumat yayıb.

"Türkiyə milli müdafiə naziri Hulusi Akar, daxili işlər naziri Süleyman Soylu, Baş Qərargah rəisi Yaşar Gülər, MİT başçısı Hakan Fidan, Prezident Administrasiyasının Kommunikasiya İdarəsinin rəhbəri Fəxrəddin Altun və Türkiyə Prezidentinin sözçüsü İbrahim Kalın bu gün Liviyada rəsmi səfərdədir", - məlumatda qeyd olunub.

Səfər zamanı ikitərəfli münasibətlər və regional məsələlər barədə fikir mübadiləsinin aparılacağı gözlənilir.