ABŞ peyvəndlənmə faizinin aşağı olduğu və delta ştammının geniş yayıldığı zonalara heyət göndərəcək.

Axar.az xəbər verir ki, bu barədə Ağ Evin koronavirusla mübarizə üzrə koordinatoru Ceff Zients deyib.

O bildirib ki, göndəriləcək qruplar yerli mütəxəssislərlə çalışacaq, dərman preparatlarının təminatı, bölgələrdəki peyvəndləmə mərkəzinə əlavə tibbi heyətin göndərilməsi məsələlərini həll edəcək:

“Delta ştammı vaksinasiyanın zəif olduğu ölkələr üçün böyük risk təşkil edir. Ölkə üzrə baxdığımızda pandemiya üzərində böyük irəliləyiş əldə etdiyimizin fərqindəyik. Lakin əyalət və şəhər səviyyəsində peyvənddən imtina edən toplumların virusa qarşı müdafiəsiz qaldığını və delta variantının yayılmağa başladığını görürük”.