Yeni hökumət qurulmasa, seçim yenə millətindir.

Axar.az xəbər verir ki, bu açıqlama ilə Türkiyə Prezidenti Rəcəb Tayyib Ərdoğan çıxış edib.

O, ən qısa vaxtda məclisdə çoxluq təşkil edən bir hökumətin qurulmasının tərəfdarı olduğunu bildirib:

"Bununla indiyə qədər ən çox səs topalayan partiya sədrləri məşğul olmalıdır. Bütün partiyaları bu yöndə cavabdehlik götürməyə səsləyirəm. Türkiyənin verməli olduğu çox ciddi qərarlar var. Bu yükün altından qalxa biləcək güclü bir hökumətin qurulmasını arzu edirəm. Azlıq hökumət belə bir imkana sahib ola bilməz. Ən kritik məsələlərdə həmrəylik nümayiş etdirməyən partiyalar ümid etdiyimiz çıxış yolunu tapa bilməyəcəklər. Hökumət qurulmayacağı təqdirdə lazımı bütün işlər tərəfimdən addım-addım həyata keçiriləcək".