Rusiya Prezidenti Vladimir Putin ABŞ-ın MÜstəqillik Günü münasibətilə həmkarı Barak Obamanı təbrik edib.

Axar.az xəbər verir ki, Kremlin mətbuat bürosundan verilən məlumata görə, Putin təbrik məktubunda bunları deyib:

"İki ölkə arasında mövcud fikir ayrılıqlarına baxmayaraq Rusiya-ABŞ əlaqələri dünyada sabitlik və təhlükəsizliyinin təmin edilməsində əhəmiyyətli faktor olaraq qalmağa davam edir".

Bərabər hüquqlar və qarşılıqlı maraqlar prinsipləri kontekstində dialoq qurulması lazım olduğunu vurğulayan Putin qlobal fikir ayrılıqlarının zamanla həll olunacağına ümid etdiyini bildirib:

"Dialoq quraraq Rusiya və ABŞ-ın dünyanın ən çətin problemlərinə həll tapacağına və qlobal təhdidlərlə təsirli şəkildə mübarizə aparacağımıza inanıram".