Vladimir Lenin və İosif Stalinin oxşarları Moskvanın "Oxotnıy ryad" metro stansiyasındakı keçiddə dalaşıblar.

Axar.az xəbər verir ki, Manej meydanında Leninin oxşarı işləyən İqor Qorbunov metropoliten polisinə ərizə ilə müraciət edib.

Onun sözlərinə görə, Stalinin oxşarı kimi işləyən Lətif Vəliyev aralarındakı mübahisədən sonra çətirlə onun kürəyinə 3 dəfə zərbə endirib. Nəticədə zərərçəkən yüngül yaralarla poliklinikaya müraciət edib.

Məlumata görə, mübahisəyə səbəb Vəliyevin Qorbunovu Stalinin başqa oxşarı ilə işləməkdə günahlandırması olub.

Prokurorluq davanın araşdırılmasını xüsusi nəzarətə götürüb.