16:04

Cenevrədə bağlı qapılar arxasında ABŞ və Rusiya nümayəndələri strateji stabillik üzrə danışıqları aparır.

Axar.az xəbər verir ki, bu məlumatı “Le Fiqaro” qəzeti yayıb. Rusiya tərəfindən nümayəndə heyətinə xarici işlər nazirinin müavini Sergey Ryabkov, ABŞ tərəfindən isə Dövlət katibinin müavini Vendi Şermanın rəhbərlik etdiyi bildirilib.

Danışıqlar silahlanmaya nəzarətlə bağlıdır.

***

Rusiya və ABŞ strateji sabitliyə dair Cenevrədə keçirilən növbəti məsləhətləşmələrdə silahlara nəzarət perspektivləri və risklərin azaldılması məsələləri müzakirə olunub.

Bu barədə Rusiya Xarici İşlər Nazirliyi məlumat yayıb.

"İki ölkə prezidentlərinin tapşırıqlarına uyğun olaraq, tərəflərin strateji sabitliyi qorumaq üçün yanaşmaları, silah nəzarətinin perspektivləri və risklərin azaldılması tədbirləri haqqında hərtərəfli müzakirə aparılıb. Bu istiqamətdə qarşılıqlı əlaqələrin daha da inkişaf etdirilməsinin müxtəlif aspektlərinə toxunulub", - məlumatda qeyd olunub.

Görüşün 7 saat davam etdiyi bildirilib.