Serbiya Prezidenti Aleksandar Vuçiç yalan detektoru üzərində sınağa hazır olduğunu bildirib.

Axar.az xəbər verir ki, siyasətçi mafiya ilə əlaqədə şübhəli olduğuna görə poliqrafdan keçmək istədiyini deyib.

“Çernoqoriyada ortaya çıxan və təşkilatlanan bu cinayətkar qrupun müasir Serbiya tarixində ən dəhşətli cinayətləri törətdiyini hamı bilir. Eyni zamanda, media kampaniya aparır, bizi bu insanlarla əlaqədə olmaqda günahlandırır və siz bu çirkin yalanlara qulaq asırsınız", - deyə Serbiya lideri qeyd edib.

Vuçiç əlavə edib ki, daxili işlər naziri Aleksandar Vulin də onunla birgə poliqrafiya testindən keçməyə hazırdır.