Terrorizmə qarşı mübarizədə Türkiyənin pilotsuz uçuş aparatlarından (PUA – red.) istifadə edəcəyik.

Axar.az xəbər verir ki, bu sözləri Nigeriyanın Zamfara əyalətinin rəhbəri Bello Matavella deyib.

O bildirib ki, hökumət terrorçularla mübarizədə heç bir güzəştə getməyəcək:

“Türkiyəyə son səfərim zamanı konstruktiv əməkdaşlıq mühiti formalaşdı. Nigeriyada əyalətlərə investisiya yatırmaq istəyən 20 şirkət nümayəndəsi ilə bir araya gəldik. Yaxın zamanda Türkiyə Prezidenti Rəcəb Tayyib Ərdoğan Nigeriyaya səfər edəcək və həmkarı Məhəmməd Buxari ilə görüşündə PUA-ların tədarükü məsələsi detallı müzakirə ediləcək”.